REMATANDO O CURSO...

O derradeiro día do curso, o xoves 21 de xuño, o Club de Lectura de 1º de ESO adicou unha hora a facer unha "Mermelada de Emocións", escribíndolles a cada un dos compañeiros unha mensaxe positiva de agradecemento e recordo polas vivencias compartidas ao longo do ano. Tamén lle adicaron unhas palabras á profesora Josefa de Inglés, que se xubilou despois de 35 anos na ensinanza. Quixeron agasallala cun ramo de flores aproveitando para sorprendela no festival de Fin de Curso.

ACTIVIDADE DEPORTIVA DO CLUB DE LECTURA DE 1º DE ESO

O martes 19 os alumn@s do Club de Lectura de 1º de ESO pasaron a mañá na praia de Esteiro do Barqueiro practicando surf. Despois da merenda cada un deles leu un poema de Carlos Negro, pechando así a xornada. 

RECITAL POÉTICO COA VISITA DE JONI RAMOS

Na tarde do mesmo luns 18 de xuño, e por terceiro ano consecutivo, o alumnado destes clubs de lectura participou nun recital poético que contou cunha excelente dramatización do actor Víctor Rolle e a visita de Joni Ramos, antigo alumno do centro que quixo acompañarnos desinteresadamente nesta ocasión e compartir a merenda con nós. 

ACTIVIDADES DE FIN DE CURSO DOS CLUBS DE LECTURA DE 2º E 3º DE ESO

Na mañá do luns 18 de xuño todo o alumnado dos Clubes de Lectura de 2º e 3º de ESO realizou unha actividade en kayak para visitar a Praia dos Cristais, lugar da nosa costa que lle da título ao libro de Pedro ramos que leron na 1ª avaliación. Os alumn@s aprenderon a navegar en kayak e acudiron aos sitios que se nomean na novela.