"Somos ananos nos lombos de xigantes"

Lembrade que todo o que hai neste blog (e noutros moitos) é grazas ó traballo xeneroso daqueles que foron creando, buscando, organizando e dende logo compartindo todo o que hai pululando pola rede e que para nós sería descoñecido sen o seu esforzo.

jueves, 23 de junio de 2016

OS PHOTOPEACH DOS ALUMNOS DE 3º DA ESO

Os alumnos do club de lectura de poesía que traballaron os photopeach con Sabela Barcón, déixannos aquí unha mostra do seu esforzo.
Jorge:http://photopeach.com/embed/13uu8lg
Miguel:  http://photopeach.com/embed/s5fptd
Noa:  http://photopeach.com/embed/a4widn
Ana:  http://photopeach.com/embed/kbc5wt
Jaime:  "http://photopeach.com/embed/a4widn
 

ACTIVIDADE FIN DE CURSO

O último día de clase, mércores 22 de xuño, algúns alumnos dos clubs de lectura de 2º, 3º e 4º da ESO foron xogar ao paintball para celebrar o fin de curso e a súa participación nos distintos clubs de lectura.

ACTIVIDADE DO CLUB DE LECTURA "NOVELA FANTÁSTICA"

Os alumnos de 4º da ESO Diego, José e Xoel do Club de Lectura Novela Fantástica, que leron este curso Donde los árboles cantan de LAURA GALLEGO, gravaron unha pasaxe do libro.

sábado, 11 de junio de 2016

A PROFE DO NOSO CENTRO, IRIA MISA, GAÑA O PREMIO JULES VERNE DE NARRATIVA XUVENIL




AS OBRAS DE ARTE DE PRIMITIVO MARCOS

Xa temos colocados no centro os debuxos do profesor de inglés Primitivo Marcos. Como todos os cursos, Primi retratou ao homenaxeado das Letras Galegas. Ademais, nesta ocasión, quixo caracterizar á mascota da biblioteca Bibliomasa como numerosas personaxes literarias. 



OUTRAS ACTIVIDADES DO CLUB DE LECTURA DE 1º DE ESO

Nun dos club de lectura de 1º da ESO limos durante a primeira avaliación a obra O Doutor Jekyll e Míster Hyde. É unha obra difícil para alumnos desta idade, polo que non lles gustou e rexeitámola para vindeiras ocasións. O que si lles gustou foi a película baseada na novela que leva por nome  Mary Reilly e que remataron de ver nas súas casas despois de visionar unha pasaxe no centro. Relacionadas con este libro fixemos tamén dúas actividades máis. Os alumnos disfrazáronse por Halloween do mounstruo Mr. Hyde e participaron no festival de Nadal con postres terroríficos. 

miércoles, 8 de junio de 2016

EN XUÑO, ÚLTIMAS REUNIÓNS DOS CLUBS DE LECTURA



Aquí temos aos membros do Club de Lectura Novela Histórica. 




Arriba os alumnos de 3º da ESO que leron este curso Makinaria de Carlos Negro. Nas fotos podemos velos traballando nos obradoiros de poesía que a profesora Sabela Barcón preparou para eles. 

viernes, 27 de mayo de 2016

MÁIS EXPOSICIÓNS NO MARÍA SARMIENTO


Nos nosos corredores seguimos a traballar sobre a figura de Manuel María

ALGUNHAS MOSTRAS DA EXPOSICIÓN NO TEATRO


No blog da Microrrede podedes ver todos os vídeos da exposición e as actuacións no teatro Pastor Díaz 





jueves, 19 de mayo de 2016

ACTUACIÓNS NO TEATRO

O martes 10 de maio de 2016 inaugurouse no Teatro Pastor Díaz a exposición conxunta da Microrrede de bibliotecas da Mariña.
Todos os traballos expostos no teatro e as actuacións de todos os centros educativos, podédelos ver no blog da microrrede cuxo enlace está na marxe dereita.

SEGUIMOS CELEBRANDO O DÍA DAS LETRAS GALEGAS

 Co traballo dos rapaces e rapazas de 1 e 2º da ESO fixemos este colorido mural para seguir celebrando a publicación de Cantares Gallegos de Rosalía de Castro.
O alumnado tiña que darlle color e "decoración" ao retrato da escritora galega.

jueves, 28 de abril de 2016

O TENDAL DAS IDEAS

 Esta idea da profesora de francés Marijo nace coa intención de que a comunidade educativa colgue libremente aqueles recortes de prensa que lle chamen a atención por calquera motivo.
Trátase de facer máis públicas se cabe aquelas fotografías ou críticas persoais sobre os temas de actualidade ou que están a acontecer na nosa contorna. animámosvos a todos a participar.

EXPOSICIÓN "OS SOÑOS DE MANUEL MARÍA"

Por quinto ano consecutivo, a biblioteca do IES María Sarmiento colabora no traballo conxunto da Microrrede A Mariña realizando unha exposición no centro para celebrar a semana das letras Galegas. Este curso decidiuse que a propia exposición versara sobre o conmemorado Manuel María e leva o título Os soños de Manuel María


Os alumnos de 1º e 2º de ESO  fixeron, principalmente, mapas mentais da obra do poeta, caligramas de diferentes composicións e ilustracións dos mesmos. Aquí vos queda unha mostra dalgúns deles. 



 

REUNIÓN DO CLUB DE LECTURA DE 2º DA ESO

Reuníronse por última vez este curso os poucos integrantes que quedan no club de lectura de 2º da ESO. Aproveitaron  para intercambiar opinións sobre o libro proposto A noite do moucho e decidir que daban por concluída a actividade polo baixo poder de convocatoria.

martes, 26 de abril de 2016

23 DE ABRIL, DÍA DO LIBRO


 Aínda que este ano 2016 o 23 de abril -DÍA DO LIBRO- caeu en sábado, desde a biblioteca decidimos celebralo igualmente o luns 25.


 Un ano máis fixemos un mercado solidario cos libros que previamente doara toda a comunidade educativa.Cada exemplar vendeuse a 2€ en sesións de mañá e tarde.


A iniciativa foi todo un éxito porque se recadaron 130€ para o Refuxio de animais de Viveiro e 130€ para o Banco de Alimentos que xestiona Aspanane.





Moitas grazas a todos pola vosa colaboración.

REUNIÓNS CLUB DE LECTURA DE 1º ESO B

En 1º da ESO B estamos a ler Los derechos torcidos, pequeño libro de relatos cortos que ahondan en las injusticias sociales del mundo y la vulneración de los derchos humanos.

domingo, 27 de marzo de 2016

LA VIDA EN LA PUERTA DE LA NEVERA

Os alumnos de 1º da ESO B e C tamén leron esta semana previa ás vacacións de Semana Santa o libro La vida en la puerta de la nevera. Como se trata dun libro moi breve no que aparece unha nota en cada páxina, léese moi rápido. Trátase dunha novela orixinal na que se intercambian breves mensaxes unha nai e unha filla de 15 anos. A pesar de ser un libro moi curto, toca a enfermidade do cancro de mama que afecta a tantas mulleres e tamén nos fai reflexionar sobre a vida estresante que levamos e que nos impide difrutar de máis tempo cos nosos seres queridos. Sobre este e outros temas, falaron os rapaces de 1º da ESO e tamén escribiron os seus propios possit adicados aos seus pais. 

REUNIÓN CLUB DE LECTURA 1º DA ESO

Esta semana previa ás vacacións de Semana Santa tamén se reuniron os alumnos de 1º da ESO para ler e charlar sobre os libros propostos para a segunda metade do curso. Nesta ocasión o libro que comenzamos a ler é o famoso Mi hermana está sobre la repisa de la chimenea. De momento está resultando unha obra divertida e triste á vez, pero moi interesante e que engancha ao lector desde o principio. 


REUNIÓN CLUB DE LECTURA 1º BAC

O xoves 17 de marzo reuníronse as integrantes do club de lectura de Positividade para falar sobre a obra que estiveron a ler Las gafas de la felicidad. A súa coordinadora, Yolanda Fernández, púxolles un vídeo do autor e psicólogo Rafael Santandreu e falaron sobre a fortaleza emocional e o optimismo ante a vida. Yolanda tamén lles propuxo interesantes actividades para marcarse obxectivos e cumplilos con facilidade. 


lunes, 14 de marzo de 2016

SEGUIMOS A CELEBRAR O MES DA MULLER

Aquí tedes máis murais sobre grandes mulleres da historia.




E carteis conmemorativos para sentirnos orgullosas de ser mulleres.