Concurso de Microrrelatos de Medo!!! Ata o 27 de Outubro

Comezamos a emitir!

Este mércores foi a primeira emisión da radio do IES Maria Sarmiento! Fixeronno posible o alumnado de 1° e 2° da ESO. Neste primeiro programa. explicaron que a radio xurde do proxecto amigo, na que tratamos de loitar contra o acoso escolar.

Tamén fixeron unha selección de cancións para animar o recreo, e animaron a todas as persoas que queiran, a  pedir cancións e facer adicatorias. Como? Deixando as suxerencias no buzón da cafetería de Víctor.

Calendario da Hora de Lectura

 Aquí tedes o calendario da "Hora de Lectura" para o curso 2022/23, para que vos vaiades organizando!

"Somos emigrantes" Participación na microrrede 2021-22.

 Este ano na exposición da microrrede da Mariña participamos con este mapa no que podemos escoitar as entrevistas cós nosos familiares ou amigos que tiveron que emigrar.

Etwinning: "El mito a través del arte"

 Somos o grupo de 3ºESO A.

Neste segundo trimestre estivemos traballando nun proxecto chamado etwinning xunto cun instituto italiano, o ICS "Via Maffi" di Roma. A actividade consistiu en representar fotográficamente cinco cadros mitolóxicos. Nos escollimos os mitos de Aracné, Marte, Apolo, Circe e Baco. A maiores tamén creamos un museo virtual no que expuxemos as nosas obras xunto cunhas audioguías nas que explicamos cada un dos mitos representados. Este traballo foi unha experiencia inolvidable xa que aprendimos a traballar en grupo.

As obras de arte que re-creamos foron estas...

Lecturas obrigatorias para este curso...

Aquí tedes o listado de lecturas obrigatorias para este curso... Non vos agobiedes por eso da "obrigatoriedade" e disfrutade deles!

Un ano de Bibliomasa...

Aquí tedes o resumo deste completísimo ano de Biblioteca...

Viveiro no tempo

 Se queredes saber como era Viveiro noutro tempo, entrade nesta páxina elaborada polo alumnado de Xeografía e Historia da Arte de 2º de Bacharelato... A ver se vos gusta!

Lecturas obrigatorias do 2º Trimestre

 Aquí tedes a listaxe de lecturas obrigatorias no 2º Trimestre en cada asignatura.

Microrrelatos do Samaín

 Xa podedes ver aquí os relatos preseleccionados e votar os vosos preferidos. Agradecemos máxima difusión!!! 📚💜🎊👏🏻👏🏻👏🏻

Podedes votar a través  deste enlace. Onde prefirades!

Aquí tedes acceso a todos os relatos... Coidadiño! Dan moito medo!!!! 

i concurso de microrrelatos de medo e terror de Alicia YÁÑEZ PUENTES

Imos celebrar o Samaín...Apúntaste?

 

Aquí tedes as bases do concurso... Animádevos!

A MICRORREDE QUEDA NA CASA

Todos os cursos por estas datas realizábamos no instituto unha exposición elaborada polo alumnado de 1º da ESO para conmemorar o Día do Libro. Esa mesma exposición ía logo á Sala de Usos Múltiples e á Biblioteca do Concello de Viveiro polo Día das Letras Galegas dentro do Proxecto da Microrrede de Bibliotecas Escolares da Mariña. Dadas as circunstancias actuais de suspensión das actividades letivas por mor do Covid-19, a Microrrede elaborou un vídeo conmemorativo e de ánimo para o alumnado dos dezasete centros educativos integrantes. Esperamos que vos guste:

https://youtu.be/z2T8WWBuOjM

As actividades previstas para este curso pola Microrrede quedan aprazadas para o bindeiro ano e realizaranse na semana das Letras Galegas do 2021. 

BLOG MICRORREDE DA MARIÑA 

23 de abril. DÍA DO LIBRO

FELIZ DÍA DO LIBRO!

Hoxe 23 de abril conmemórase o Día do Libro e por iso gustaríanos darvos a coñecer un servizo que a Rede de Bibliotecas Públicas de Galicia ten dispoñible para toda a poboación mentres dure a corentena. Trátase de GaliciaLe, unha plataforma de préstamo de obras en formato electrónico onde poderás atopar libros, revistas, audiolibros e películas en galego e en castelán.

Como podo acceder?

• Son socio/a da Rede de Bibliotecas Públicas de Galicia: accede co usuario e contrasinal.
• Non son socio/a: rexístrate e accede coas claves que recibirás. Finalizada a corentena disporás de 30 días para achegarte á biblioteca e solicitar o teu carné para continuar desfrutando de GaliciaLe.

Aproveita e segue gozando do pracer da lectura!

"Troya" no Teatro pastor Díaz

O xoves, os alumnos de 1o da ESO acudimos ao teatro Pastor Díaz para ver a obra “Troya”. Ademais das referencias á guerra mítica en imaxes de videoxogos e documentais, aprendemos o importante que é estar atentos ás estafas de Internet. A obra gustounos moito e participamos activamente do espectáculo... incluso acabamos bailando ao final da obra cos protagonistas! 🎭

O youtuber Ivan Vázquez visitounos hoxe...

Hoxe os alumnos e alumnas de 1o, 2o e 3o da ESO tivemos a sorte de contar ca presenza do youtuber xordo Iván Vázquez de @familiavazqueztv . Foi un  encontro moi interesante e ameno, no que poidemos aprender sobre a lingua de signos e as dificultades das persoas con diversidade funcional. Ao final, na rolda de preguntas, tivemos tempo de saciar a nosa curiosidade e incluso contamos con algún testemuño moi especial. Viva a diferenza!

"O que arde" Película de Oliver Laxe

Este mércores o noso alumnado vai ver a película de Oliver Laxe "O que arde". Aquí tedes un anticipo. Seguro que a disfrutamos!

Recital e poesía adicado a Sabela

Xubilouse a nosa compañeira Sabela Barcón despois de moitos anos no noso centro e o seu alumnado de 2º de ESO, 1º ESO A e 3º PMAR quixeron facerlle unha sentida homenaxe facendo un recital poético na súa honra.
Aquí tedes algunhas fotos e videos deste festival. Clickade neste enlace para velas.

ÚLTIMAS REUNIÓNS DOS CLUBS DE LECTURA

E tamén nesta última semana de clase aproveitamos para facer as últimas reunións dos clubs de lectura. Esperamos que o ano que vén nos sigan acompañando os mesmos alumnos. 

CLUB DE LECTURA DE 1º E 2º DE ESO

Onte martes 18 de xuño os 45 alumnos dos clubs de lectura de 1º e 2º de ESO acercáronse á praia de Esteiro de Barqueiro para realizar a súa actividade de fin de curso, surf. Despois dun duro adestramento para quentar, por fin se meteron na auga coa Escola de Surf Oxígeno e pasaron unha maá chea de diversión e entretenemento. 

Estas actividades buscar o coñecemento de empresas da zona do entorno natural e cultural e o acercamento a novas prácticas deportivas. 

CLUB DE LECTURA DE 2º DE BAC

Este luns 17 de xuño pola tarde, as alumnas do Club de Lectura de 2º de Bac fixeron por fin a súa primeira inmersión con bombona na ría de Viveiro. Despois de ler durante o curso a obra A muller que buceou no corazón do mundo e de ter charlas sobre o submarinismo e o síndrome de Ásperger (temas principais da novela)- tiveron por fin o seu bautismo coa Escola de Mergullo de Celeiro.