Hoxe no recreo xogouse a final da liga de fútbol sala masculina (categoría senior). Os dous equipos que xogaron, “Antonio de Mañón y sus amigos” e “A Potencia de Celeiro”, amosaron, cun excelente xogo ó longo do campionato, porque disputaban esta final. O partido comezou moi mal para os de “Antonio de Mañón y sus amigos”, posto que a confusión coa cor dunha camiseta puxo un gol na súa contra. “A potencia de Celeiro”, lonxe de conformarse ou ralentizar a disputa, continuou cun excelente xogo de equipo e conseguiu os seus frutos cun segundo gol. Tocaba mover ficha ós de “Mañón” posto que o partido complicábase. E responderon. Un gol practicamente de seguido ó
que acababan de recibir reducía as distancias. Xa na segunda parte, “Antonio de Mañón y sus amigos”, lograban o empate, e a partir de aí, o peso de xogo caeu sempre do lado deste equipo que ía amosando unha lixeira superioridade. Un gol en propia meta da “Potencia de Celeiro” esbaratou a posible remontada e púxolle máis fácil o partido aos seus oponentes. Cun marcador final de cinco goles a tres, rematou un partido vibrante que, sin dúbida algunha, puxo a nota de calidade deste campionato 2007-2008 do IES María Sarmiento.
