MOTIVANDO AO ALUMNADO

Nestes últimos días do mes de abril de 2015 tamén colocamos polos corredores do IES María Sarmiento pósters con lemas motivadores para animar ao noso alumnado a estudiar e a ser forte ante as adversidades. Esperamos que vos gusten.

 

 

O REFRANEIRO DE CERVO A VIVEIRO

Como todos os anos, as bibliotecas dos centros educativos de Viveiro, Xove e Cervo xuntámonos para realizar un traballo conxunto de alumnado, familias e profesores. Trátase de fomentar a lectura e recordar a cultura popular. Nesta oacsión decidimos facerlle unha homenaxe ao refraneiro da zona e así reflexionar sobre esas rimas sinxelas que levan sempre tanta razón nas súas afirmacións. Aquí tedes unha mostra dos murais deste ano.

A exposición estará no corredor da biblioteca do IES María Sarmiento ata o venres 8 e xa durante a semana seguinte na sala de exposicións do Concello compartindo protagonismo co resto dos centros.

 

 

A exposición na sala do Concello estará aberta todas as tardes de 18 a 20h con actuacións para os máis pequechos dos diferentes centros educativos. Este curso o María Sarmiento levará a Raquel Mariño de 2º de Bac A que interpretará vairas cancións de Disney. Convidámosvos a tod@s a acompañarnos.

 

 

 Os traballos que estades a ver foron realizados polos alumnos de 1º e 2º da ESO do IES María Sarmiento.

 

 

 

Os mellores recibirán un agasallo da Biblioteca a partir do día 11 de maio. 

 

 Este ano a mascota da biblioteca tamén terá moito protagonismo na exposición conxunta do martes 12 ao venres 15 de maio de 2015.

 

 

 

 

 

 

 

 

 

 

 

 

 

 

 

CHARLA INFORMATIVA SOBRE O SÍNDROME DE ASPERGER

Os rapaces de 2º da ESO que pertencen ao club de lectura dese nivel recibiron unha charla informativa sobre o trastorno autista Ásperger. A charla foilles de gran axuda para comprender mellor o libro que están a ler: Incidente do can a media noite.

PREMIAMOS A MELLOR CARTA DE AMOR

Os alumnos do club de lectura de 1º da ESO leron nesta segunta avaliación Cartas de Amor de Fran Alonso. A raíz desta lectura propuxémoslles aos rapaces que creasen eles unha carta de amor e aquí temos a gañadora.

MULLERES NA BIBLIOTECA E FÓRA DELA

NESTE MES DE MARZO NO QUE CELEBRAMOS O DÍA DA MULLER TRABALLADORA, DECIDIMOS FACERLLE UNHA HOMENAXE A TODAS AS MULLERES DO PLANETA E ESPECIALMENTE A TODAS AS QUE NOS EMOCIONARON EN PELÍCULAS E LIBROS. POR ISO HABERÁ DURANTE TODO O MES E ATA DESPOIS DAS VACACIÓNS, UNHA EXPOSICIÓN CON TODAS ESAS OBRAS QUE NON NOS PODEMOS PERDER PORQUE NOS CONMOVERÁN.

XA TEMOS MASCOTA "DE CARNE E ÓSO"

Por fin atopamos á nosa mascota Bibliomasa de "carne e óso". Despois de moitos anos na biblioteca en forma de camisetas, batas, murais, marcapáxinas... apareceu o noso canciño para alegrarnos e animarnos a ler. Foi máis difícil atopalo do que puidera parecer. Esperamos que vos guste.

CONCURSO CARTA Á LINGUA GALEGA

A biblioteca convocou un novo concurso literario no mes de febreiro. Nesta ocasión os alumnos participantes tiñan que escribirlle unha carta á lingua galega seguindo a estructura deste tipo de escritos. Nesta ocasión o gañador dun videoxogo foi Lucas Gómez.

Viveiro, 2 de febreiro de 2015

Día da Lingua materna

Querida lingua materna:

Es única. As máis belas palabras están no teu interior, forxadas en ti ao longo dos anos. Palabras fermosas para a vida cotiá, como lareira, labrego...

Lingua dun lugar verde, cos seus labregos e vacas no campo cheo de piñeiros, eucaliptos...

Historias incribles foron contadas contigo, de guerreiros castrexos e romanos conquistadores. Tamén tes poesía e poetas destacados, sen ir máis lonxe Rosalía de Castro que escribíu a súa morriña nas máis belas estrofas, morriña d eirse, de deixar a súa casa, de deixar a súa lingua...

E aínda que non vén a conto (ou si), es unha das linguas máis ben situadas na rede, que xa é difícil!!!

Saúdos, un falante

Asinado:

Lucas Gómez Riveira