"Somos ananos nos lombos de xigantes"
Lembrade que todo o que hai neste blog (e noutros moitos) é grazas ó traballo xeneroso daqueles que foron creando, buscando, organizando e dende logo compartindo todo o que hai pululando pola rede e que para nós sería descoñecido sen o seu esforzo.
Os alumnos de 1º da ESO B e C tamén leron esta semana previa ás vacacións de Semana Santa o libro La vida en la puerta de la nevera. Como se trata dun libro moi breve no que aparece unha nota en cada páxina, léese moi rápido. Trátase dunha novela orixinal na que se intercambian breves mensaxes unha nai e unha filla de 15 anos. A pesar de ser un libro moi curto, toca a enfermidade do cancro de mama que afecta a tantas mulleres e tamén nos fai reflexionar sobre a vida estresante que levamos e que nos impide difrutar de máis tempo cos nosos seres queridos. Sobre este e outros temas, falaron os rapaces de 1º da ESO e tamén escribiron os seus propios possit adicados aos seus pais.
Esta semana previa ás vacacións de Semana Santa tamén se reuniron os alumnos de 1º da ESO para ler e charlar sobre os libros propostos para a segunda metade do curso. Nesta ocasión o libro que comenzamos a ler é o famoso Mi hermana está sobre la repisa de la chimenea. De momento está resultando unha obra divertida e triste á vez, pero moi interesante e que engancha ao lector desde o principio.
O xoves 17 de marzo reuníronse as integrantes do club de lectura de Positividade para falar sobre a obra que estiveron a ler Las gafas de la felicidad. A súa coordinadora, Yolanda Fernández, púxolles un vídeo do autor e psicólogo Rafael Santandreu e falaron sobre a fortaleza emocional e o optimismo ante a vida. Yolanda tamén lles propuxo interesantes actividades para marcarse obxectivos e cumplilos con facilidade.
Aquí tedes máis murais sobre grandes mulleres da historia.
E carteis conmemorativos para sentirnos orgullosas de ser mulleres.
Nova reunión para falar da obra Cando petan na porta pola noite de XABIER DOCAMPO. O club de lectura Historias de medo e misterio está coordinado pola profesora de galego Mercedes López. Forman parte del alumnas de 4º da ESo e 1º de BAC.
Grande será o día en que xa non teñamos que adicar un mes á muller porque a situación esté "normalizada" en todo o planeta. Mentres, dende a biblioteca, tratamos este mes de salientar a figura de grandes mulleres da historia que tiveron que loitar contra a sociedade e o sistema para facer o que máis lles gustaba a pesares do seu xénero.
Organizaremos un concurso para que toda a comunidade educativa se achegue a ler as súas interesantes historias e poida responder a varias cuestións sobre as súas vidas.
En 1º da ESO estivemos seleccionando noticias de diferentes xornais para traballar con elas. Tratábase dunha busca de información e traballo colaborativo que despois expuxemos oralmente.
Os alumnos de 1º da ESO leron a obra La vida en la puerta de la nevera, que resultou de grande interese pola súa orixinalidade, xa que descubrimos a vida dunha nai e a súa filla a través dos possits que se deixan la neveira.
Primeiro falamos do que nos ensinou o libro sobre as relacións persoais e sobre afrontar os problemas da vida e despois puxemos por escrito nun possit aquelas palabras que non podiamos deixar de dicirlle aos nosos pais.
O recientemente creado grupo de colaboradores da biblioteca, celebrou o Día de Rosalía. Este grupo formado por nove alumnos, dúas nais e dúas profesoras, atópase dentro do programa VOLUNTARIADO NA BIBLIOTECA ESCOLAR. Os alumn@s de 1º da ESO son Rosalía Fernández, Laura Rubal e Valeria Fernández; de 2º da ESO Ivana Polo; de 3º da ESO Antía Fernández, Andrés Paleo e Bianca Livanov; e, por último, do Ciclo Superior de Administración e Finanzas, Cecilia Duarte e Dana Moisa.
Para celebrar este día tan sinalado, os alumnos elaboraron uns robots que fusionan a literatura tradicional galega co futuro.
Aquí queda o enlace para ver a montaxe en torno a esta celebración:
http://acrapulada.blogspot.com.es/
Un ano máis a biblioteca convocou un concurso de disfraces para o alumnado de todo o centro. Nesta ocasión a temática era "Cadros famosos de todos os tempos". O concurso superou calquera previsión en número e calidade, por iso queremos agradecervos a todos os participantes a vosa imaxinación e alegría. Sodes fantásticos, rapaces. Neste enlace podedes ver todas as fotos das dúas estupendas horas que nos fixéstedes pasar.
Nesta semana previa ao entroido tamén se celebraron a maioría das reunións dos diferentes clubs de lectura, como esta de 2º da ESO.
Este xoves 4 de febreiro de 2016 visitounos o escritor vigués Pedro Feijoo. Durante dúas horas tivemos o pracer de contar coa súa compaña e de falar da súa traxectoria como estudante na facultade de Filoloxía Galega e as súas experiencias como músico dos grupo Los Feliz e Lamatumbá. Pero, sen dúbida, o que máis interesou aos nosos alumnos de 1º de bacharelato foron as anécdotas relacionadas coa súa novela Os fillos do Mar que tiveron a oportunidade de ler na 1ª avaliación.
Nesta ocasión queremos animar aos pais e nais a colaborar na xestión e dinamización da biblioteca escolar do IES María Sarmiento. Trátase de facer grupos de traballo que estean en estreita colaboración co profesorado do grupo da biblioteca e co alumnado deseñando actividades de apoio á biblioteca, lectura compartida, etc.
Aquelas familias que desexen participar, poden facernos chegar o seu interese a través da folla de inscripción que os rapaces levarán á casa.
Co comezo do 2016 queremos retomar una boa práctica que tiñamos en anos anteriores: A participación dos alumnos na xestión e dinamización da nosa biblioteca.
Aquel alumnado que estea interesado en propoñer e levar a cabo novas actividades da biblioteca e axudar aos seus compañeiros na resolución de problemas, búsqueda de información ou localización de libros, pode anotarse na biblioteca ata o 15 de febreiro de 2016.
Ao final de curso a Xunta otorgaralle un diploma acreditativo e disfrutará, tamén, de outras vantaxes como a ampliación no préstamo dos libros ou no aumento de libros para levar á casa. ¡Anímate a participar!
O martes 15 de decembro celebramos o concurso anual de creación literaria da biblioteca. Os participantes, que tiñan que anotarse na biblioteca antes do venres 11, non souberon ata o momento de comezar o concurso que tiñan que redactar un microrrelato en galego co seguinte comezo: "Abandonan, primeiro un e logo o outro..." Nesta ocasión o premio eran 80€ en metálico que foron para a gañadora Nuria Díaz Otero de 1º de ESO A. Aquí vos deixo o seu texto:
Abandonan, primeiro un e logo o outro porque os bicos e os abrazos non son a única maneira de que unha persoa sexa amada. Os bicos máis fugaces ou máis apaixonados non son os máis queridos. O corazón decidirá se é ou non aquela persoa especial que che fará chorar de alegría ou rir cando estás triste.
Isto todo reflexioneino cando o amor apaixonado de Xulieta e Romeo acabou en algo que puido ser. Esa aventura que rematou con dúas vidas, dúas familias, dous beizos de amor que acabaron afundidos nun mar de tristeza e soidade.
Ónde se atoparía Shakespeare no momento en que escribía esta traxedia? Qué destrúe millóns de corazóns?
Eu sei o que é sentirse así, que unha persoa a que amas desapareza. Mais iso xa non importa. A vida acábase dunha maneira ou de outra e os nosos pensamentos acabarán afogados nese mar de tristeza e soidade.
O martes 19 de maio reunímonos en Viveiro co alumnado dos clubs de lectura do IES da Pontenova, que viñeron coñecer a nosa vila e a intercambiar opinións sobre as actividades que fixeramos en común. Xuntámonos á hora de xantar no parque situado ao lado do instituto e compartimos conversa e experiencias e quedamos de seguir en contacto para intertar vernos en setembro.
